Vaihawmna ni thupi
Doh is G
Vaihawmna ni thupi hongtun in,
Ja ing pengkul a hong ging hi,
Namchih leh chichih hong pungkhawm in,
Ka mu mangtutphah ngou maiah,
Van Angel siangthou a hongkumsuk a,
Tuipi leh leitung tengteng tung ah,
A khut van lam a liktou kawm in ah,
Hun leh ni atawpta a hongchi.
Sakkik
Ngaidih, kah leh lungkham kikou aw’n,
Mangthangten atan uh theiin,
Tang leh mualte kiang ah, hondelh un,
A thumna uh akai lawta.
Mi sumhaute zong tel sam uh a,
A sum uh tuimang khinta a,
Khutdoh bang maiin Toupa maiah,
A leiba uh din zoulou uh,
Lei mi thupite zong om sam uh a,
Sihna natna thuak in mau uh a,
Angel min gelhna Vanlaibu tawiten
A thupina tuam uh mulou uh.
Meithai leh tagahte zong om uh,
Toupa’n a thumna uh ngaikhia;
Khutdoh lungkham om nawn louhna ah,
A khitui uh a nulsiang ding;
Sum kikap hatte leh zukham hatte,
A kiang ua zu dawnding zuakte toh,
A kiang ua zu zuak phalna petu toh
Gawtmun ah a lut khawmta diam uh.
Hoih kisa a kideihhunte zong
Om uh, ahoihna uh chinglou,
Tang a Jesu kilhlumtute zong,
Mihing ngaih in hoih in lang uh,
Hotdamna simmoh a tu lungmuangte,
Tuin hun omlou awl awl in ah,
Hotdam ka hithouna ding chi tute,
A kikhel sih nihna tangta uh.
