Toupa nang naihsem nuam ing
Doh is G
Toupa, nang naihsem nuam ing,
Nang naih semsem in;
Na kha limnuai ah bit-in,
Om gige nuam ing;
Ginlah leh khelh na lian hi,
Sung leh pua ah, honsual hi;
Zou di’n honhuh in Toupa,
Nang naih semsem in!
Toupa, ka Suangpi naihsem,
Ka kha bukna Nang;
Huihpi zong laulou ding hi’ng,
Tui kihawt zong leh;
Huih hat chiang patau lou ding,
Hon hihsia theilou ding hi;
Na itna baan a kinga,
Nang naih semsem in!
Panpihpa leh Kingakna,
Nang naih semsem in;
Kiniam khiak’ hiai ka chi ding;
“Pa, Nang thu hi hen”,
Gimthuakna ah kisin in,
Dahna meipi hongkai chiang’;
Itna’n na khut kuansak ding,
Nang naih semsem in!
Toupa, Nang naih hongpai ing,
Pathian hinna vak;
Nopna, muanna, keia hi,
Nuamsa Tapa vang’;
Na itna ah hon tengsak’,
Na kiang nai ah hon omsak,
Tangtawn suangpi ah buin,
Nang naih semsem in!
