Toupa mi siangte aw
Doh is A
Toupa misiangte aw, na ginna uh ki-
Ngakna Pathian’ Thu suangphum khuambang kip hi;
Jesu a bukna juan a tai noute kiang’,
A gensa bangval, A gentuan ding omlou,
A gensa bangval, A gentuan ding omlou.
“Lauke’n, Kon ompih hi, aw lungmang het ke’n,
Nang’ Pathian ka hih vang’ Kon panpih ding hi;
Kon hatsak ding, panpih-in Kon dingsak ding,
Ka khut bangkim hihthei, siamin Kon dom ding,
Ka khut bangkim hihthei, siamin Kon dom ding.”
“Tuipi thukpi a pai dia kon sap laiin zong,
Lungkhamna tui in hon tum lou hial ding hi;
Kon ompih ding hi, na thuakna vualzawl ding’,
Na thuakna thukpen pen Ka siangthou sak ding,
Na thuakna thukpen pen Ka siangthou sak ding.”
“Ze-etna meikuanga na paisuak laitak’
A kiching Ka hehpihna in kon vuk ding;
Meikuang honhihsia dinga Ka koih hilou,
Na nin halmang, dangkaeng bang siangsak ding,
Na nin halmang, dangkaeng bang siangsak ding.”
“Tekkun tanpha-a dam Ka mitten thei ding;
Ka itna tungnung, tangtawn’ dang ngeilou hi;
A lu uh samkangin a zep dongin zong,
Belamnou bangin Ka ang ah Ka pom ding,
Belamnou bangin Ka ang ah Ka pom ding.”
“Kua leng Jesu-a muanga khawl peuhmahte,
Melma lak ah Ka taisan ngei, ngeikei ding;
Tuabang mi, gawtmun in sualin, dou mahleh,
Ka nusia ngeikei ding, nusia ngeikei ding,
Ka nusia ngeikei ding, Nusia ngeikei ding.”
