Toupa kei hon kempa ahi
Doh is A♭
Toupa kei honkempa ahi,
Zanmial leh lauhuai lakah ,
Khattang honnusia ngeilou,
Ka kiang nai om gige hi,
ka bukna suangpi ahi,
Tawplou in phat zel ning e.
Sakkik
Haleluiah Toupa hongphat ung
Thupina, lalna, pahtawinate
Tangtawnin nang’a ahi,
Haleluiah hong phat ung.
Zing nisuak in na thupina ,
Ka mitmuh in taangsak hi,
Solkha leh si-al te ah,
Na etlawmna ka mu hi,
sing leh louhing chiteng in,
Na hehpihna langsak hi.
Toupa na siamsa mihingte,
Sihna lam zuan honheisan,
Amau gupkhiatna ding a,
Na tapa sisan luang-in,
Na itna thukpen langsak,
Lamdang itna genchim laang.
