Toupa ah kipak in nuam un
Doh is B♭
Toupa ah kipak in nuam un,
Nou lungsim dik leh hoih nei teng;
Nou Amah tel pen a nei teng,
Dahna lungkhamna hawlmang un.
Sakkik
:$:Nuam un! nuam un!
Toupa ah kipak in nuam un! D.S.
Kipak un, Toupa ahih man,
Lei leh vana thupi penpen,
A thu in a bawl, vai a hawm,
Vanglian in hat hi tan ding in.
Thudik gum a galdouna ah,
Na galte a vualzou dek zong;
Pathian sepaih na muhlouhte,
Hondou galte sangin tam zaw.
Sun laiin mialin hontuam zong,
Zanin na tungvan a nim zong,
Bangteng ah na thawmhau kei un;
Lauhuai bei mateng na muang un.
Toupa ah kipakin nuam un,
A pahtawina la in sa un;
Kaihging leh tumging leh aw in,
Halleluia, chiin awi un.
