Tangthu kumlui hon hilh in
Doh is C
Tangthu kumlui honhilh in,
Muhnai louh vantung thu;
Jesu leh A thupina,
Jesu leh A itna;
Theihnuam takin hon hilh in,
Naupang kianga gen bang’;
Hatlou leh tawl, panpih bei
Leh a ninsa ka hi.
Sakkik
Tangthu kumlui honhilh in,
Tangthu kumlui honhilh in;
Tangthu kumlui honhilh in.
Jesu leh A itna.
Tangthu kumlui honhilh in,
Ka theih theihna ding in;
Tua tatna thu hoih lamdang,
Mohna damsak na thu;
Honhilh hilh in tua tangthu,
Ka mangngilh pahpah hi;
Zingsang daitui thak kia zong,
Sun nisat chiang’ mang hi.
Tangthu honhilh, kamdam in,
Chitak deihsak na toh;
Jesu hotdam ding mikhial
Kei hi’ng thei gige in;
Tangthu honhilh gige in,
Mangbatna ka tuah chiang,
Kei ding a hong lungmuanpa
Nong hihnop taktak leh.
Tangthu Kumlui honhilh in,
Leitung thupinate’n
Kei hon susia ding chi a
Non lauhpih peuhpeuh chiang;
He tua leitung thupina’n,
Ka kha hongkhem chiang in,
Tangthu Kumlui honhilh in,
“Jesu’n hondamsak”, chi’n.
