Tangthu hoih gen nuam ka sa
Doh is A♭
Tangthu hoih gen nuam ka sa,
Muh nailouh vantung thu;
Jesu leh a Thupina,
Jesu leh a itna!
Tangthu hoih gen nuam ka sa,
A dik chih ka theih in;
Ka lunggulh hon lungkimsak,
Lungkimna dang omlou.
Sakkik
Tangthu hoih gen nuam ka sa!
Jesu leh a itna thu!
Tangthu kumlui ka thupi,
Kumsawt in gengen ning.
Tangthu hoih gen nuam ka sa,
A lamdang semsem hi,
Lunglen thu khempeuh sangin,
Deihthusam peuh sang in;
Tangthu hoih gen nuam ka sa,
Kei ding’ manpha penpen!
Tuabang manpha ahih man’,
Tu’n nang ka hon hilh hi.
Tangthu hoih gen nuam ka sa,
Genkik kik a nuam hi;
Gentam peuh leng nuam semsem,
Jaknophuai semsem hi;
Tangthu hoih gen nuam ka sa,
A za ngeilou om lai.
Hotdamna thu hi ka gen,
Pathian’ Thu siangthou pan’.
Tangthu hoih gen nuam ka sa,
A theisa tengtengin;
Lunggulhin za nuam semsem,
A za ngeilou mah bang;
Thupina mun ka tun a,
La thak ka sak chiangin,
Tangthu kumlui mah sa ning,
Ka na sak nop tawntung.
