Tanglai miten kipak in
Doh is G
Tanglai mite’n kipakin,
Piitu aksi a mu uh;
A vak kipahpih uhi,
A piina lam ah zui uh;
Tua bang Na kiang’ honpii in,
Hehpihsiam ka Toupa aw.
Kipak, kintakin tai uh,
Gankuang Na jalna zuan uh;
Lei leh van Mang honmu uh,
Na ma’ kunin honbia uh;
Tua bang kou khete’n zong Na
Zahngaihna tutphah zuan hen.
Thilpiak manpha hontawi in,
Tua gankuang ah hongpia uh;
Tua bang kipahna siangthou,
Khelhna pana siangsa tawh;
Ka gou manpha penpen uh,
Khrist ka van Mang honpia n’ung.
Siangthou Jesu honpii in,
Lampi kawchik haksa ah,
Lei thilte hongbei chiangin,
Tatsa ka kha uh pii in;
Tua mun aksi pii ngailou,
Na thupi liah leng omlou.
Thangvan gam nunnuam vak ah,
Bawltawm vak ngai nawnlou uh;
Nang, vak, pahna, manglukhu,
Sunni tum ngeilou Na hi;
Nang ka Kumpipa phatin,
Haleluia sata n’ung.
