Jerusalem nuten
An fate Isua hnenah
An hruai laiin, zirtirte chuan
Anmahni an lo hnar;
Mahse, an tlan hmain Isuan
A lo hmu a, aw nem takin,
"Naupang ka hnenah kal phal rawh u," tiin.

Anmahni ka lawmin
Ka hmunah ka hruai khawm ang,
Hnar bo suh u, hengte tan hian
Berampui ka ni a;
An thinlungte min pek dawn chuan,
Ropuinate an chang ve ang,
"Naupang ka hnenah kal phal rawh u," tiin.

Naupangte lawm turin
Kan chhandamtu'n ngil a nei;
Mahse, a hming la hre lovin,
Sang tam tak an awm a;
A Thu bu pawh an chhiar ngai lo,
A thusawi pawh hi an hre lo,
"Naupang ka hnenah kal phal rawh u," tih hi.

Aw, hnam tin, chi tina
Khawvel mi la nite hian,
I thu tha hi lo pawm vein,
An milemte paih se;
Aw, an chungah lo eng zel la,
Hmangaih Pathian i nih hrilh la,
Naupangte i hnenah kal dan zirtir la.