Jordan ral tienga chun in inkhawm pha
Doh is A♭
TUIPUI KAMA TIEU TIEM SENG NAW
Jordan ral tienga chun in inkhawm pha,
Tlansahai ropuiin hmu'ng ei ta;
Tuipui kama tieu tiem seng naw zat ang;
Ennuom mak tak chu la ning a tih.
Tuipui kama tieu tiem seng naw zat ang,
Vakama tieu seng naw zat ang;
Ennuom tak ning a ta, tlansahai ei hmu chun,
Tuipui kama tieu tiem seng naw zat ang.
Sandam hmasahai po ei hmu pha chun,
Lungngai le thlemna tuor ta loin;
Hlim takin vana khin intuok ei ta,
Ennuom mak tak chu la ning a tih.
Tuipui kam mawi takah ei ngir pha chun,
Hringna thing deihlimah um ei ta;
Ram tiem ral var mawi tak chu thlir ei ta,
Ennuom mak tak chu la ning a tih.
Ei Sandamtu tak le a ropuina,
Chieng takin ama ei hmu pha leh;
Ram tin chungah Lalin ro rel a ta,
Ennuom mak tak chu la ning a tih.
