Isu hmangaina le thatna
Doh is C
VANRAM EI TLUNG PHA CHUN
Isu hmangaina le thatna
Le zangaina inpak ro;
Hmun inhawi le ropui tak chu,
Ei ta dingin a buotsai.
Vanram ei tlung pha le chun,
Ni lawmum, hlimna ropui um a tih;
Lal Isu ei hmu pha,
Hnena hla chu sak ta'ng ei tih.
Vanram pana fe laiin,
Sumhai chu a hung zing a;
Sienkhawm ei fe khel hnung pha chun,
Thimna hrim um ta naw nih.
Ringum le fel taka umin,
Ni tin a rawng bawl ei tiu;
A ropuina chang ve dingin,
Damsung hin thaw pei ei tiu.
Ei hmaa lawmman hnawt peiin,
A mawina thlir pei ei tiu;
Lungmantam kawtkhara lutin,
Rangkachak tuol leng ei tih.
