Sawmkua leh kuate dam in a om uh
Doh is A♭
Sawmkua leh kuate dam in a om uh,
Huangsung nuam a nuamsa om in;
Himahleh khat bel tang ah mangthangta hi,
Damna huang bittak a kipan in;
Belampu’ khut muanhuai apan taimang hi,
Gamnuai lauhuai, taam leh linglakpi ah. (2)
Toupa, hiai ah sawmkua leh kua na nei,
Hunna sa lou na hi ahiam?
“Hiai leng keia ahi,” Belampu’n a chi,
Ka huangsung pana taimang ahi;
Lam lauhuai, suk leh tou ah vakmang mahleh,
Ka belam zong’ gamdai ah ka kuan ding.” (2)
Tatsaten a Tanpa uh theilou uh,
Tui thukpipi A kante leh
A belam vakmang zonga A janhah lam,
Tatsate kuamahin theilou uh;
Hizong Aman ja, gamdaia belam’ aw,
Belam damlou si ding panpih ngai hi. (2)
Toupa, hiai gamlak lampite khawng a,
Sisan kiate koi apan hiam?
“Belampu’n honpiikik nawn mateng taimang
Belam adia sisan luang ahi.”
“Toupa, Na khut a liamma koi apan hiam?”
“Tujan ling tampi in kei hon sun hi.” (2)
Tang sangpi leh luiguam sia lak apan
Leh suangpi kawmlak apan in,
Kipahna aw’n van kongpi tungtouta hi;
“Nuam un! Ka belam mu nawnta’ng” chi;
Mangtutphah kim a angelte’n dawng uhi;
“Nuam un! Toupa’n A belam honpikik.” (2)
