MizoLyrics.Com Mizo Lyrics - Pathian itna itna tungnung

Pathian’ itna itna tungnung

Pathian’ itna, itna tungnung,

Van kipahna hong kum in;

Kou ah Na tenna hong bawl in,

Na hehpihna hong khusak’;

Jesu, Nang mi Na hehpih thei,

Itna ngenin Na dim a;

Hotdamna in kou hong veh in,

Hon ngaite’ siang ah lut in.

Na itna Laukha pia inla,

Mi lungkhamte’ lungsung ah;

Bangteng Nang ah hong luahsak in,

Na chiam khawlna hon musak;

Khelh utna lamangta inla,

Alpha leh Omega hi’n;

Ginna bul leh a tawpna Nang,

Suahtakna hon pia ta in.

Hong pai in, Nang hondam dia hat,

Nangmah’ hinna hon neisak;

Kou-a teng ding, hongkik pah in,

Na tempul nusia ngeike’n;

Nangmah kon phat gige ding uh,

Nangmah na sem gige in;

Nangmah phat-in kong thum ding ua,

Na itna kia suang gige’n.

Khaile, Na siamthak zou ngalin,

Siangthou leh deihhuai hi n’ung;

Ka hotdamna uh Nangmah ah,

Kimtaka om mu nuam ung;

Thupi semsem hong hita n’ung,

Vangam kong tun tanpha un;

Lamdang, itna, phatna-a dim,

Na mai’h bangkim ngak dongin.

:

Fakna Hla (Songs of Gospel)

Mizo Lyrics Available at