Pathian in a tungin kitenna a bawl,
Innkuan bul siangthou omkhawm dingin,
Kipahpih, kizahtak, muanhuai tuak dingin;
Hindan kikheng-a buching dingin.
Nuamsa in kipahpih chiat ni e,
Nupa-a kiteng i unaute;
Hiai a i theihpih uh van ah theih hi hen,
Tonkhawm ding sihna’n a khen mateng.
Toupa Jesu’n A Saptuamte A it a,
A sik-a A hin A piak bangin;
Hiai mouneipa inleng a mou it mah hen,
Gentehna siangthou limsak uhen.
Toupa, a nih un Na khut’ kon kemsak uh,
Khotuah in Na hoihna in vuk in;
Dah leh kipah hun kiphawk tuahsak zelin,
Na piak Nang’ nasep-in thuk uhen.