Pathian a thilsiamte a et et chiangin

Pathian in a thilsiamte a et et chiangin,
A lungkim mahmah hi, hoih asa mahmah hi;
Hizong pasal amah kia a om a etin,
Hoihsalou in numei panpihtu ding pia hi.

Hiai ahi kitenna, hiai ahi kitenna,
Pathian in a gawmsa mihing in khen kei hen,
Khenlou dia tong chiamsa,
Sian in lumbang honsung zel hen.

Vondeih zatam tawi a siangsung phungching dingin,
Houlungtuak tangbang dam nunnuam ngabang leng din;
Tungthianmang vanglian in lumbang honsung zel hen,
Itna tongchiam simthu hualkhau khihkip den hen.

Tanglai Kana khua a na tel bangin Toupa,
Taksap teng hongguan din hongngai ung hongleng in;
Lungkham dah leh taksap hun hongtung zel mahleh,
Hiai kitenna siangthou pahtawiin omzel hen.


   Facebook      Twitter    :    Views(183)