Tuhin hnein le hne pei dingin
ṬHB 242
Doh is B♭
LUNGINSIETNAA HNENA
Tuhin hnêin le hnê pei dingin,
Laltak chu a fe suok a;
Mi ringumhai chu, Ama’n a ṭhuoi,
Indona ṭium hmunah;
Hmatieng panin a pawlhai chu,
Huoi takin a ṭhuoi pei a;
An ṭhuoitu hming chu inpâkin,
Lawm takin an hung khêk a.
Râl ṭium chu ngam theina di’n,
Hrâtna lei a ni chuong nawh;
Mi felhai le ringumhai di’n,
Hnêna thu tiem sa a nih.
Tuhin hnêin le hnê pei dingin,
Lal ropui chu tu’m a na?
A sipai po po a ṭhuoihai chun,
A ropuina an inpâk;
Ei Lalpa le ei Tlantu chu,
Sandamtu, laltak a nih;
A ram ropuiah var takin,
Chatuonin var zing an tih.
Tuhin hnêin le hne pei dingin,
Isu, Rorêltu I nih;
Hnuoi lalṭhungpha le lallukhumhai,
An ropuina bo a tih;
Sipai huoi le a tawp chena,
Ringuma um zing hai chun,
An dorâl an hnê zo pha chun,
Chawlna hlu chang ta’ng an tih.
