Ka Isu ka hmangai che ka ta i nih
KHB 276. ṬHB 180.
Doh is F
Ka Isu ka hmangai che, ka ta I nih,
I hming leiin ka suol po ka mâksan a;
Ka Sandamtu, ka Tlantu khawm I nih ie,
A hma nêkin tuhin ka hmangai lem che.
Ka hmangai che, I mi hmangaina leiin,
Kalvari thing krawsah ka suol I ngâidam;
Hlinglukhum I khum leiin ka hmangai che,
A hma nêkin tuhin ka hmangai lem che.
Ka khawvêl nun tawp hma’n hmangai zing ka’ che,
Inpâk ka ti che, ka khawvêl damsûng hin;
Ka thi ding hunin hi thu hi hril ka tih,
‘A hma nêkin tuhin ka hmangai lem che.’
Chawimawi ka’ che vân in ropui le mawiah,
Lawm tawp ngâi ta nawna hmun inhawia chun;
Lallukhum khumin hi hla hi sak ka tih,
A hma nêkin tuhin ka hmangai lem che.
