Thihna lo thleng tur kan nghah chu,
Hun tlem te chauh kan nei ta;
Khaw eng kan nghah tawp hun tur chu,
Ni tin kan hnaih deuh deuh va,
Lei thimna chu a ral hunin,
Kan thinlung a var leh ang;
Chutah van arsite ang khian,
Chatuanin kan eng reng ang.

Attuin lak hnuhnun berte,
A khawm thlenga nghak rengin;
Hrehawmna zawng zawng a zo ta,
Vanram a lo hnai ta e.
Attu'n buh lak tur rah zawng zawng,
Rang takin a khawm nghal ang;
Khawvel hlimna lo chuai tur chu,
Keiin kalsan thuai ka duh.

Angel-hovin kawngkhar ropui,
An hawn hun tur chu nghakin;
Kei rethei, chau leh saruak hi,
Kawngkhar bula awm rengin.
An thawm ri leh an aw rite,
Tunah pawh ka hre reng a;
An mi kohna leh sawmnate
Chu nghakin ka awm reng ang.

Kumkhua pawha ka hmuh ngai loh,
Hmun nuam zawk chu ka chang ang;
Chutah nunna pangpar rimtui,
Chatuanin a chuai lo vang.
Ka chhandamna kim chu nghakin,
Ka Tlantu min lawmna nen;
Chutah sual zawng zawng a bo vang,
Lungngaih leh nat a kiang ang.