Zan ril laia berampu
ṬHB 329.
VAN TIENG THIL RI
Zân ril laia berampu,
Bethlehem phûla riek hai kha;
Vân tieng thil ri’n a hung thawng,
Ngâi dingin an tho va.
Lawmna thli a hung hrâng del del,
Angel rawl thangkhawka chun;
Mi tin ta ding inpâktlâk Lal,
Krista piengna thu hrilin,
Hnuoi chungah rem lêng sien.
Vân Lal nau va en ta u,
Bethlehem bawngin sûnga sawn;
A’n rieng nu Mari’n damte’n,
Ranthlêng chungah a’n zâl.
Chung si-ar a hung pâr sing seng,
Ranthlêng lâikhum zawn chungah;
Khawsak mivarha’n an hung zui,
An robawm thil hlu chawiin,
Lal chibai an hung bûk.
A hi a nih, vân thu ril,
Hnam tin, chi tin intlanna ding;
A kut le kea kilin,
A nâkah sun an tih.
Hringna tuiin hung luong a ta,
Aw, Kalvari tlâng chungah;
Chun, khawvêlah luongdar a ta,
Zawlnei thu hrillawk angin,
Hnam tin sukdamna ding.
