NIsuahna gam teng mun teng ah
Doh is E
Nisuahna gam teng mun teng ah,
Toupa Jesu’n simthu lel ding;
Mualdawn khapi a tan lai teng,
Leitung ah A gam lian ding hi.
Mi namchih leh pauchih-a te’n,
A itna la ngaihin sa hi;
Naungek’ awten phuangjak ding a,
A min pahtawi pah ding uhi.
A kianga thumna tawplou ding,
Bei theilou phatna khusak ding;
A min gimnamtui bang’n jamtou,
Jingteng kithoihna tawh ton ding.
A manna kilakna peuh ah,
Sihna tongsia a beita hi;
Adam mawh vanga mang louin,
Tangtawnin hinna tang chiat uh.
A manna mun ah hauta uh,
Mi tangte a hong pawtkhia ua;
Hin chimtak te’n tangtawn khawlna,
Muta uh mi zawngte nuamta.
Jesu’n gam neih a pel thei lou,
Aman pia-in athou nawnta;
Pa Pathianin a kaih thoh in,
A min a gelh gam laibu ah.
