Ngai un angel tangkou la
Doh is G
Ngai un! angel tangkou la,
Kumpi hongpiang thupi hen;
Lei ah lemna zahngaihna
Pathian leh gilou kitam;
Namchih kipakin thou un,
Van mi’ vualzohna’ tel un;
Angel honpi tawh gen un;
Khrist hongpiang Beth-lehem ah,
Ngai un! angel tangkou’ la;
Kumpi hongpiang thupi hen.
Van mite pahtawi pen Khrist,
Tangtawn Toupa Khrist Amah;
Hun sawt nung’ hongpai en un,
Nungak siangthou sung’ hongpiang;
En un, Pathian sa-a tuam,
Pak un, Pathian mihing suak;
Mihing lak ah teng nuam hi,
Jesu ei Imanuel;
Ngai un! angel tangkou’ la;
Kumpi hongpiang thupi hen.
Lemna Kumpipa’ Tapa,
Dikna Ni, Amah pak un;
Vakna, hinna miteng puak,
A kha-a damsakna toh;
A thupina honnusia,
Mi sih nawn louh na’ng hongpiang;
Mite phong dingin hongpiang,
Pianthakna pe ding hongpiang;
Ngai un! angel tangkou’ la;
Kumpi hongpiang thupi hen.
Adam batna tu’n beisak’,
Nang batna’n a mun luahsak’;
Tunglam pan Adam nihna,
Na itna honluahkiksak’;
Ngai un! angel tangkou’ la,
Mang thak hongpiang thupi hen;
Lei ah lemna, zahngaihna,
Pathian leh gilou kitam;
Ngai un! angel tangkou’ la,
Kumpi hongpiang thupi hen.
