Ngaiin toupa jesu kikou
Ngaiin, Toupa Jesu kikou,
“Tuni a kua sem dia kuan ding?
Buh min lua a la ding ngak hi;
Kuain buhphal pua ding hiam?”
Heutupa’n nakpi in honsam,
Kipahman tampi honchiam;
Kipaka hi chia dawng ding kua?
“Hia’h om ing, kei honsawl in!” (2)
Tuipi gal na kai theihlouh ziak,
Awilou gam na phakei zong;
Amau naisem ah na mu thei,
Kongbul ah leng na huh thei,
Tampi pezou kei mah lechin,
Meithai piak zah kia leng hoih;
Tawmkha Jesu dia na sep leng,
A muhin manpha ding hi. (2)
Angel bang na pau theilou zong.
Paul bang na gen theilou zong;
Jesu’ itna na hilh thei a,
Miteng dia si na gen thei;
Vaihawmna lauhuaitak inleng,
Mikhial na lausak lah zong,
Hondampa hehpihna ang ah,
Naupangte na pii thei hi. (2)
Zion tang tunga ding sang a,
Van gam lampi kawkmuh a;
Miteng dia hinna pia galvil,
Hi thei kei mah lechin leng;
Na thumsakna leh thilpiak in,
Pathian’ deihlam na sem thei;
Zawlnei ban domkang Aron bang,
Na septheih khomkhom sem in. (2)
