A hin hringna tuikhur a luong
KHB 164. ṬHB 132.
Doh is A
A hin hringna tuikhur a luong
Kalvari a luongsuok chu;
Mi tam tak hai damna dingin
Tukhawm a dawn taphawt chu.
Nang Eden natna neitu kha,
Hung hnâiin va dawn ve la;
Chun Kalvari tui thienghlim kha,
I lungrilah luong a tih.
Chun hi tui hi hung hrezing la,
Mi dang khawm inhriettir la;
“Mi tukhawmin a dawn phawt chun,
Dam ngêi ngêi a tih,” ti la,
Isu ropuina ding a nih,
Vân angel thienghlim hai khin,
Lawm hla mak tak chu sak an tih,
Ei Pa Pathien hmaa khin.
Tuta inthawk chatuon chenin,
Hringna tui hi luong a tih;
Thonawk nauha’n a tui thienghlim,
Chatuonin dawn ta’ng an tih;
Berâmte hringna thienghlimin,
Sandamhai inchawm an tih;
Eden thil hlui um ta lovin,
Hringna tharin lêng an tih.
