Pathien ropui raw se sandamna pe tu
KHB 7.
Doh is A♭
1. Pathien ropui raw se,
Sandamna pe tu,
Khawvêl hmangaiin a Naupa a mi pêk,
Ei suol in tlanna di'n a hringna a pêk;
Hringna lam a hawng mi tin lut theina di'n.
Inpâk ro! inpâk ro!
Khawvêl mi tinrêngin,
Inkâk ro! inpak ro! Mipuihai lâwm raw se;
Pa kuoma chun hung ro, Lal Isu ringin,
A thilthaw mak leiin, Ama chawimawi ro.
2. Thisena intlanna, Sandamna famkim,
Ringtuhai ta dinga Pa thutiem a nih,
Misuol tak khawm Ama ring nuom taphawt chu;
Lal Isu sandamna chu chang nghâl a tih.
3. Thil ropuitak thawin a min chuktir a,
Ei lawmna nasa tak Kristaah a nih,
Sandam tu Lal Isu kuom ei tlung pha chun;
Lawmna le hlimna tak chu chang tâng ei tih.
