BAWNG IN RUN PUI A BEL
1. Tina kaisar lal lien rêngpui,
Lal lai ni eng hnuoi ah;
An hril vânhnuoi khawvêl tiempui hming thang,
Sîngkhuol mipui pungkhâwmhai lai,
Mari'n riekrûn a chang ve nawh,
Bawng in rûnpui a bêl(v.3)
Sîngkhuol mipui pungkhâwmhai lai,
Mari'n riekrûn a chang ve nawh,
Bawng in rûnpui a bêl.
2. Khuolbûk vêngtu, in ro naw maw?
Tlantu muol liem ding chu;
Ama leia khawvêl dam theina kha,
Khuolbûk vêngtu sui lungmawlin,
Vân Lal rêngpui ka lung damna,
Puon ang a hnâwl ta ie(v. 3)
Khuolbûk vêngtu sui lungmawlin,
Vân Lal rêngpui ka lung damna,
Puon ang a hnâwl ta ie.
3. A liem si nawh khârdan hliepah,
Sîngkhuol a ngîr zing ie;
Ngai ta, kawtkhâr bulah ka hung ngîr ie.
I sûngah hung lût ka tih aw,
I lungril kawt mi hawng pêk rawh,
Tiin a mi ngen zing(v.3)
I sûngah hung lût ka tih aw,
I lungril kawt mi hawng pêk rawh,
Tiin a mi ngen zing.
4. Khuolbûk vēngtu ang ka lo nih,
Suolin a mi bâwm zing;
Ka lungril ram Kaisar lalnaa hin,
Bethlehem tlâng hung indin la,
I ta di'n ranthlêng hung siem la;
A chun nang hung chêng rawh(v.3)
Bethlehem tlâng hung indin la,
I ta di'n ranthlêng hung siem la;
A chun nang hung chêng rawh.