Thlamuongnan tuipui angin a mi chim a
KHB 354. ṬHB 124.
Doh is B♭
A THA IE
1. Thlamuongna'n tuipui angin a mi chim a,
Lungngaina tuipui fâwn lai hin;
Ka ta dinga i buotsai thil iengkim chu,
“A țha ie, ka thlarau ta dingin.”
A țha ie, a țha ie,
Ka thlarau ta dingin a țha ie.
2. Setanin min huolin, thlemna hung sienkhawm,
Hrietchiengna hin mi thunun sien;
Țhangpui ngaia ka lo umin Krista chun,
A thisanin a mîn tlansuok tah.
3. Hi thu ngaituo hi inhawi ka va ti ngei!
Ka suolna a țhen chau ni lo;
A rêngin krawsah hemdein a um tah,
Aw ka thla, inpâk rawh Lalpa chu.
4. Ka ta dingin hring hi Krista ni ta sien!
Jordan tuipui infâwn sien khawm;
Natna le thina chu ți ta naw ning ah,
Thlamuongna thu I mi hril leiin.
5. Lalpa, I hung nâwkna chu nghâk in kan thlir,
Thlân khêl tieng cân boruoka khin;
Tâwtawrâwt le Lalpa râwl ei hriet pha chun,
Ka thlarau châwl kumkhuo tâng a tih!
