Isu ka thla hmangaitu i ang sungah mi thuoi la
ṬHB 84.
Doh is E♭
Isu ka thla hmangaitu,
I angsungah mi thuoi la;
Thlemna a hung hnai laiin,
Thlemna tuipui fawn laiin,
Ka Sandamtu, mi hum la,
Hringna tium khel tieng chen,
Van ram chenin mi thuoi la,
Nangin ka thlarau nei rawh.
Kulhpui dang hrim ka nei nawh,
Ka thla innghatna i nih;
Ka khatin mi'n umtir naw,
Thangpuiin mi thlamuon rawh;
Nang chau kan nghatna i nih,
Mi thangpuitu nangma chau,
Ka lu hlietu nei naw hi,
I thlazar hnuoiah hum rawh.
Krista, nang chau ka ngai che,
Nangmaah iengkim ka hmu;
Tlu le chau hai keitho la, damnaw,
Mitdel sukdam rawh;
I hming chau chu a'n thieng a,
Kei, felnawna tinreng le,
Suola sip chu ka ni si,
Nang thutak lunginsietna.
Ka suolna inkhum dingin,
I lungsietna a hun tawk;
Damna tui inluongtir la,
Chu tui chun mi tlengfai rawh;
Nang tuikur hlu chu i nih,
Ka dittawk mi'n dawntir rawh,
Ka lungrilah hung put la,
Chatuon chenin hung luong rawh.
