In hai chu keitho di'n tawtawrawt a hung inri
ṬHB 83.
Doh is G
IN HAI CHU KEITHO DIN
In hai chu keitho di'n tawtawrawt a hung inri,
Nangni in hai tho ro; In ta di'n an hnu hma hin;
Insuolna po po leh Lal Krista chu pan vat ro,
"Hung pan ro" a tih.
Aw Lalpa, kan boin kan pil el ding,
Suol tuipui fawnah kan ngir;
Kan renga kan nun chau mi thuoi dingin,
Lalpa, nang kan ngai em el che.
Hmangaina ram inhawi ei ta di'n a lo buotsai,
Lalpa ta di'n ngirin ei kraws put chawisang ei tiu;
Suolna hnungtieng sawnin van hringna chu chang ei tih,
Ei lawm kim a tih.
Ei rengin har ei tiu Krista kohran po po hai,
Lalpa mi dit angin tu hin ngir ve ta'ng ei tiu;
Hmangaina le remna suol ngaidamna famkim chu,
Ei ta a lo nih.
Ei rengin har ei tiu, Krista kohran po po hai,
Khawvel inthim en di'n Lal thucha phurtu ei nih;
Iengkim Lalpa kuomah pea ramtina khekin,
Thaw pei ei tiu khai.
