Na mangtutphah leh na manglukhu non nusia
Doh is F
Na mangtutphah leh Na manglukhu non nusia,
Leitung a kei dia Nong pai laiin;
Hizong Beth-lehem inn sung ah mun awnglou,
Nang misiangthou Nong pian nading’.
Sakkik
Hongluah in aw, Jesu, ka lung,
Nang di’n ka lungsung ah mun om;
Hongluah in aw, Jesu, ka lungsung!
Nang di’n ka lungsung ah mun om.
Angelte lasak in vanmun thupi thawn e,
Na Mang thupiakte a phuan laiun;
Hizong Toupa aw, mun niampen ah Nong piang,
Kingaihneuna niampen pen in.
Sihalte’n bukna nei, vasate’n zong bu nei,
Nuai simleia singlim liap lakah;
Hizong Nang Pathian’ Tapa jalna gankuang,
Galili ah gam daidam ah.
Hinna thu tawh hongpai chia, Toupa Pathian aw,
Na mite dia salsuahna bawlin;
Hizong simmawh in om chia, linglukhu tawh,
Kalvari ah Nang honpii uh.
Sakkik
Hongluah in aw, Jesu, ka lung,
Nangma’ khros kia ahi ka suan;
Hongluah in aw, Jesu, ka lungsung!
Nangma’ khros kia ahi ka suan.
Thangvan zaila sak chiang’ mualchih gamchih thawn ding,
Vualzoua Nang na hongpai nawn chiang’;
Non sapna aw ja ning e, aw ka Toupa,
Nang di’n ka kiang’ mun om honchi’n.
Sakkik
Ka lung nuam ding, Toupa Jesu,
Hongpai a kei nong sap chiang in;
Ka lung nuam ding, Toupa Jesu aw,
Hongpai a kei nong sap chiangin.
