Mi tampite lunglawp patau
Doh is G
Mi tampite lunglawp patau,
Kinawh-a paiden bang thu hiam?
Nisim a mi tampi kikhawm,
Kisaklah bangthu hiam ka chi?
Sakkik
:$:Tualaitakin honghuau uh a;
“Nazareth Jesu in hongtawn hi.” D.S.
Hiai Jesu kua hi mahmah hiam,
Khuasung mi khempeuh a linsak?
Theihlouh mikhual khat leltak in,
Mipi lungphawng thei hiam ka chi?
Sakkik
:$:Lungphawng aw in hongdawng uh a;
“Nazareth Jesu in hongtawn hi.” D.S.
Jesu! Amah hi leitung a,
Mihing natna gimna hongthuak;
A paina peuh a lungkhamte’n,
Nangong, khebai, china hongpuak;
Sakkik
:$:Mitdelte tua aw ja in nuam,
“Nazareth Jesu in hongtawn hi.” D.S.
Amah hongpai nawn! Sul zuih theih,
Mun khat pan mun khat a paina;
Eite kankil ah hongkhawl a,
Honglut, tam di’n kiniamkhiak lai;
Sakkik
:$:Nuam-in hiai genlou ding i diam?
“Nazareth Jesu in hongtawn hi.” D.S.
Khaile! puakgikte hongpai un!
Ngaihdam, lungmuan, khawlna, inn om;
Pa taimangsante, hongkik un,
A hehpihna piak hongsang un;
Sakkik
:$:Khem-a om nou di’n Bukna nai,
“Nazareth Jesu in hongtawn hi.” D.S.
Hihhang hongsap na nial lai leh,
A itna pha na thangbawl leh,
Dah in hon kiheisan ding a,
Ngaihdam na nget nialta ding hi;
Sakkik
:$:“Lap lou! lap lou!” hongkichi ding,
“Nazareth Jesu’n hong khengzou hi.” D.S.
