Mang dingte honkhia in,
Sidingte kem in;
Hehpih in, khelhna leh han pan hum in,
Lamkhialte di’n kap in;
A pukte phong in,
Hondam thei Jesu amaute hilh in.
Sakkik
Mangdingte honkhia in,
Sidingte kem in,
Jesu’n zahngai thei hi,
A hondam ding.
A ngaihsak louh hang un,
Aman ngakngak hi;
A kisikte sang nuamin ngakngak hi,
Chihtaktakin zol in,
Kam nemin zol in,
Muang peuh le-uh Aman ngaidam ding hi.
Khemhatpa’n a bawlgawp,
Mihing lungsung ah;
A tummang lungtang itna’n hingsak thei;
Itna khutin khoih a,
Chitnaa phawnhalh;
A beisa hinna hing nawn thak ding hi.
Mang dingte honkhia in,
Sep ding him ahi;
Sep nading hatna Toupa’n honpia ding;
Lampi kawchik jui ding,
Zol teitei inla,
Vakvai hehpihhuai Honpa sih hilh in.