Lungkhamna leh mialna khenglam
Doh is C
Lungkhamna leh mialna khenlam,
Ka kha, dai dide’n en in;
Thuchiam tengteng tungkimta hi.
Hehpihna ni thupi toh;
Jubili nuam, Jubili nuam,
Jing khuavak thupi tang hen.
India mite, Negro mite
Leh namtomte’n en ve ua,
Tua Pathian vualzohna thupi;
Setden ding Kalvari ah;
Tua tangthupha, tua tangthupha,
Kawlmong dong in gingta hen.
Gam lianpipi mial laka tu,
Toupa’ hinna vak tan in,
Suahlam pan tumlam gam dongin,
Jing khuavak hon tangsak in;
Tatna manbei, tatna manbei,
A leisa vualzouta hen.
Ni thupi hongnai sem sem in,
A mialna uh hawlmang in;
Tangtawn hinna tangthupha in,
Na min siangthou thangsak hen;
Gamlapi ah, gamlapi ah,
Immanuel’ gam khen ah.
Thang in tangthupha vanglianpi,
Vualzou in, tawp ngeikei in;
Tangtawn Na gam a za mahmah,
Khang semsem, lian semsem hen;
Kumpi chiang toh, Kumpi chiang toh,
Honpa, leitung vaihawm in.
A nungta, a nak thei tengteng,
Lungdam thu gena kun hi;
Pa, Tapa, Kha Siangthou phatin,
Hehpihna Pathian phat un:
Halleluia, Halleluia,
Phatna khua vannuai dim hen.
