La-in sa ning tangthu lamdang,
Kei tanga hong si Khirst’ thu;
A inn nun nuam hon nusia a,
Kalvari a hong sih dan.
Sakkik
La-in sa ning tangthu lamdang,
Kei tanga hong si Khrist’ thu;
Tuipi siang geia kikhawm in,
Misiangthoute toh sa ning.
Ka mang, hizong Jesu’n hong mu,
Belam vakmang hong mukhia;
A itna ban in hon pom a,
A lampi ah hong zawl kik.
A liamgawp, Jesun hong damsak–
Pukna tampi hanga bah;
Muhna bei, launa toh kidim,
Tua teng pan hon suaktasak.
Mialna niten hon tuam laia,
Lungkhamna lam ka tawn nak;
Hizong Honpa’n hong kem lailai,
A khut in bittak’ honpii.
Luipi tui luang gei ka tun dong’
Aman hon kem gige ding;
Bitin gal hong kaipih lai ding,
Tua ah ka itte mu ding.