Khut thilpiakte Nang vualzawl in,
Sep dia lungtupte vualzawl in;
Ginna, tupna, ngaihtuahnate,
Na min phatna’ng hongvualzawl in.
Ka khutsuak uh kou ka chih uh,
Nangmah vualzawlna ngen ahi;
Ngaihtuah theihna, septheihnate,
Nang honpiak hi, ka Pathian uh.
Sem thei jel ding’, pia thei jel ding’,
Aw Pathian aw, Nang honhuh in;
Ka sepgim gah ua nuam dingin,
Tasam zawte zong ngilh lou ding’.