Khristian, pilvangin pai, gal a hongnai,
Lau leh ling kawm’ pai in, na zinna ah;
Pualam ah thang, sunglam ah khemna om,
Honkhialsak lailai dingin nang honzol;
Khristian, pilvangin pai (3),
Gal a hongnai.
Khristian, kipakin pai, huihpi lak’ zong,
Tung khuapi nim in dipkuat-huai mahleh;
Lummei jing leh huihpi hongtheng pah ding,
Na Hondampa tawh na khawl tawntung ding,
Khristian, kipakin pai (3)
Huihpi lak’ zong.
Khristian, thumthum in pai, na puk kha ding,
Na Hondampa sap ding na mangngilh leh;
Ze-etna leh buaina lak’ na bit ding,
Thumna galvan-a na zat gige leh;
Khristian, thumthum in pai (3),
Na puk kha ding.
Khristian, lamen in pai, mun na muang ding,
Khawlmun na tun chiang’ dah leh nat bei ding;
Thukhenpa pahtakman na sangta ding;
Na Toupa lungnopna sung ah lut in,
Khristian lamenin pai (3),
Mun na muang ding.