LAL PIENG NI
Lal pieng ni kawla liem hnung,
A hung suok nawk tah;
Bethlehem ngaina chul hnung,
Par ang a vul nawk tah;
Van arasi varin mi thuoi sien,
Bethlehem hmun tieng panin;
A ngur pieng lawm dingin.
Chunghnung taka chunghnung takah,
Pathien ropui zing raw se;
Chunghnung takah chunghnung takah,
Pathien ropui zing raw se;
Amen, Amen,
Pathien ropui zing raw se;
Amen.
Krismas ni a hung tlung hin,
Bethlehhem ka ngai;
Hmu ka nuom singkhuol runah,
Van Lal nau hung pieng chu;
A lawmna thangvan Angel zai ri,
Ka lunglaiah a cham ie;
Theinghil ni um naw nih.
Aw, nang Bethlehem khawpui,
Aw, i mawi chuong ie;
I sakhming hi van hnuoiah,
Aw, tuoi thei ngai naw nih;
I sunga van Lal nau hung pieng chu,
Chun rieng Mari’n a chawi a;
Lal Immanuel chu.
Immanuel lawm dingin,
Mi varhai an hung;
An ro thil hlu hung chawiin,
Immanuel hmaah;
Ei Sandamtu, Lal a hung pieng chu,
An pak hla inthang suok sien;
Halleluiah Amen.