Hnuoi lal puon ropui chu tlawm a ta
ṬHB 318.
LILI PARMAWI LAL ISU KA NEI
Hnuoi lal puon ropui chu tlawm a ta,
Hnuoi parmawihai khawm hi a tuoi thei;
Ei dam lai ni khawm hi la liem tla ngei a tih,
Sienkhawm Lal ditum Isu ka nei.
Lili par mawi, Lal Isu ka nei,
Kei din a par chatuon ram mawiah;
Rinuma khawm Aman a mi umpui pei,
Lili par mawi Lal Isu ka nei.
A hmangaina ram eng mawia khin,
Ama chu zing arasi a nih;
Rinum tuor inla khawm hi khawvel rama hin,
A rama chun mi la thuoi a tih.
Tuhin tapin inrum inla khawm,
Thinain ka mit a sin pha chun;
Ti naw ning thlan thima zal mi keitho a ta,
Ka mitthlihai chu hru fai dingin.
Ei ruol ditha’n hi khawvela hin,
An mi fesanin lungril a ngui;
Sienkhawm ka lungngai nawh, mala ka um khawm hin,
Lili par Isun a mi umpui.
