Khawm tho ka ta ka pa kuom tieng chun feng ka tih
ṬHB 204.
KA PA KUOMAH
Khawm tho ka ta, ka Pa kuom tieng chun feng ka tih,
Ka hmaah sumpui ang a zing;
Hmangaitu dang ka hmu zo naw khawvela hin,
Ka Pa naw chu ka doral maw?
Suolin inhmangsan lang khawm,
A that a chuoi ngai nawh,
Insira ka zawng nawk chun,
A zar zo nawk ka tih.
Ka Pa ina khan sum tinreng a um hlak kha,
Mi lungngaihai a hnem pei a;
Kei saruok ngawt le phingtamin ka thi ding maw,
Ieng dinga rimsia kan vai?
Aw, a kuomah ka um lai khan, a van hawi de,
Khawvel mawina ka zawng po po;
Kan hriet chienga, ka Pa insung ka ngai zuol hlak,
Thupha chawi ding ka ni naw maw?
Kei misuol, a suklungngai le sukmuolphotu
Ka ta dingin hmun a phal chun;
Hi khawvel par ka hmelma hi ngai ta naw ning,
A vul sung hrim a tawi taluo.
