Aw eini kristien thalaipawl hai
KHB 430. ṬHB 64.
Doh is C
RAM LAK DING TAMTAK A UM
Aw eini kristien thalaipawl hai,
Ram lak ding tamtak ei nei;
Pathien-in thuoitu Josua kuomah,
"Ram lak ding tamtak a u" a tih.
Hmatieng sawnin kal pen ei tiu aw,
Huoi takin dawngda loin thaw'ng ei tiu,
Khawvel par tlana thung hai hi,
Ram lak ding tamtak ei nei.
Muong taka inthung a hun ta nawh,
Ram lak ding tamtak ei nei;
Lal Krista vara ei leng lai hin,
Ram lak di'n kalpen suok ve'ng ei tiu.
Sipai huoisen, raldotuhai chun,
Bomb le silaimu karah;
Thi le thau sengin kal an pen suok,
Lalramah kal pen suok ve'ng ei tiu.
Aw eini kristien kalchawituhai,
Ei la to zing el ding maw?
Tu ang huna ei la to zing chun,
Lalpa hmangaihai bohmang an tih.
