Hetah hian nunna tui a luang
Lettu: Rev. Liangkhaia
Doh is A

Hetah hian nunna tui a luang,
Kalvari-a lo chhuak chu;
Mi tam tak tihdam nan a luang,
Tu pawh a in duh zawng chu;
Nang Eden natna veitu kha,
Lo kalin va in thuai la;
Tin, Kalvari tui fim tak kha,
I thinlungah a luang ang.

Tin, he tui hi hre reng langin,
Mi dang pawh hriattir ve la'
'Mi tu pawhin a in chuanin,
A dam ngei ngei ang,' ti la,
Isua ropuina a ni ang;
Van angel thianghlimte khian,
Lawm hla mak tak an aupui ang,
Kan Pa, Pathian hmaah khian.

Heta tangin chatuan thlengin,
He nunna tui hi a luang;
Tholeh faten a tui thianghlim,
Chatuanin an in tawh ang;
Beramno nunna thianghlimi
Chhandamte an inchawm ang;
Eden thil hlui awm tawh lovin,
Nun tharin an leng fo vang.



   Facebook      Twitter    :    Views(6605)