1. Thlarauva chun mitdel ka nih,
Khawvêl mawina ka chên laiin;
Hmangai Lalpa'n mit varna A mi pêka,
Ka láwm zie chu hril sêng a'n nawh.
CHORUS :
Ka tling nawh, Sandamtu Lalpa ta dingin ka tling nawh;
Sienkhawm Sandam ka lo ni tah,
Tling lo ni lang khawm Ama inpâkin;
Zaihla rem ta'ng ka tih.
2. Aw hmangaina tui ang luong hi,
La hrenawha'n hrehai sien la;
A'n pâkna hla'n khawvêl hi hung sip sienla,
Lungawi ta'ng ka tih, ka chantáwkah.
3. Lâwmna famkim Lalpa a nih,
Lalpa lovin lâwm a kim ngai nawh;
Damlaini hai dâwn chângin, lenruol dithai,
Kei Lalpa a nih, ka thlang lem ding.
4. Rose pârmawi hi ei hang thlîr chun,
A mawi ngei aw, a țha bêk bêk;
Khawvêl mawina a mawi chuong ngei, ka tihai khawm;
Silfên țiek inkhâi ang chau a nih.