Leilung pienghma khawmin lal Isu'n
Satu(te): Patrick Changsan

NANGNI'N IN MI THLANG NAWH A

1. Leilung pienghma khawmin Lal Isu'n,
Suol bawia intâng hnung A mi'n tlan tah;
Ei țhat lei ei fel lei khawm ni lovin,
Hmangainain A mi lo thlang tah.

CHORUS :
"Nangni'n in mi thlang nawh a,
Keiin ka thlang lem cheuva;
Ra ding le in ra chu um zing dingin,
Ka ruot bawk cheu" Lal Isu'n a tih.

2. Ra ding chun thlai chi țha a ngai a,
A tlâkna hnuoi hmun țha a ngaia;
Vân ruotui, ni lum le dei a ngai a,
Ei mihriem hlui thi a ngai a nih.

3. Ra dinga ei Lalpa mi ko dân,
Ra ding le tam taka ra dingin;
A suka zung keia ra insuo di'n,
Felna thing, Lalpa phun ni dingin.

4. Ka lâwm ngei aw Lalpa, ka lâwm ngei;
Kei misuol hring tlâk lo I mi'n tlan hi,
I dit dân le nuom dâna ra dingin;
Ka iengkim I kuomah ka'n hlân tah.


   Facebook      Twitter    :    Views(182)