Zantieng thlifim hrang hieu hieu in
Satu(te): Tabitha Lalnunnem

1. Zântieng thlifîm hrâng hieu hieu in,
Ka lunglai rûk a kei thova;
Tienlai ruolkim, sûngkim te a,
Lênglai ni hai a mi'n ngaitir.

CHORUS :
Ka va ngai ngei Chatuon Ram khi,
Lungdit lenruolhai an kimna;
Ka thlîr nghawk naw sûn nitinin,
Ka ngai Lalpa lêngna ram khi.

2. Thlêmna thlipui hung hrâng vêlin,
A mi tuom vêl ka ngai Lalpa,
Mi hung chelin mi hung țhuoi la;
I hmangaina châwnbân nêmin.

3. Ka khuolzinna hnuoi rama hin,
Suolna tinrêng dorâl kârah;
Bêl ding dang hrim ka nei nawh a,
Ka ngai Lalpa nang chau I nih.

4. Hnuoi țawngsephur hung mâksanin,
Ka khuolzinna hi ka zo pha;
Ka ngai Lalpa'n mi pawm a ta,
Ngai ta naw ning hi hnuoi ram hi.


   Facebook      Twitter    :    Views(438)