KA LAL HMELTHA
1. Ka khawvêl hnungsawnin ka Lal Kraws ka hmu a,
An hnâwla an phatsan hlak kha ka Lal hmêlțha;
A kuomah um ka ta, a ngaiin kan rûm ie.
CHORUS :
Um zing tâng ka tih, ka Sandamtu kuomah;
Tuorna a hung tlungin beidawng hlak inla khawm,
Tuorna Kraws lama chun ka Lal hmêlțha ka hmu.
2. Ka Lalpa an zawnga an hmangai si naw,
A malsâwmna an dawng, hnungin an phatsan hlak;
A bei fatu râwl chun Kraws ah hemde rawh.
3. Harsatna kâra khawm hringnun a țhuoi hlak,
Ka tuora ka chânin ka Lal hmêl a mawi hlak;
Khawvêlin an hriet naw ka Lal inrieng tak saw.
4. Hring mawina hung chuoiin kei di'n Kraws pâr a vul,
Khawvêl mîn an nei lo lungawina Lal Krista;
Tuorna, chân a'nthawkin ka thlarau a châwm hlak.