Khawvel min an mi thlira, buoina tinreng mi bawm lai hi
Lettu: Ceebie Buhril & Zatea HN Zate
Satu(te): HN Zate
KA LAWM IE LALPA
1. Khawvêl mîn an mi thlîra, buoina tinrêng mi bâwm lai hin;
Pasie tak ni'n an mi hmu, sienkhawm an hriet si nawh;
Sûngrila ka hlimna thurûk, hmu theihai sien ka nuom ngei;
Ka lawm ie LALPA, I malsâwmna hai leiin.
2. Chêngna di'n rûn in I mi pêk, thlamuong taka châwlna di'n;
Fâk le dâwn tlasam lovin, silfên țha'n I mi'n thuom;
Hmangaina I mi'n hlân a, sûngkuo țha I mi pêk hi;
Ka lawm ie LALPA, I malsâwmna hai leiin.
3. Neinungna rêng rêng ka nei nawh, silfên thar rêng ka'n bel nawh;
Sum tam tak neinaw lang khawm, LALPA nang ka nei che;
Chu mawl chu ka hlimna, khawvêlin hmu naw sienkhawm;
Ka lawm ie LALPA, I malsâwmna hai leiin.
