Aw lal pathien i thilsiemhai ka ngaituon
KHB 8. ṬHB 1.
Doh is C
I ROPUI IE
Aw Lal Pathien, i thilsiemhai ka ngaituo'n,
Mak tina in ka lungril a sip hlak;
Arsi ka hmuh, van inrum ropui ka hriet,
I thilthaw thei zie khawvelah an puong.
Chun ka thla'n,
Ka Sandamtu a'n pak che,
I Ropui ie! I Ropui ie. (2)
Ramhnuoihai le ram hmun hring ka fang changin,
Thinglera vate hai zai rem ka hriet;
Tlangsang ropui a inthawk ka zuk thlira,
Tui luong ri hrie'n thlifim hrangin ka hlim.
Pathien in a nau neisun a hung tir hi,
Ka ngaituo-in ka suisuok zo thei nawh;
Kraws chungah ka suol lawm takin a phur a,
Thisen suok in ka thi ai-in a thi.
Ropui taka Krista a hung nawk pha leh,
Mi thuoi a ta lawmna in sip ka tih;
Chawimawina'n bawkkhupin chibai buk ka ta,
'Pathien, i ropui ie' ti'n khek ka tih.
