Khelhna nuaisiah nou khate aw,
Toupa’ kiang honjuan un;
Ama’n khawlna honpia ding hi,
Amah Thu taksang un.
Sakkik
Amah muang un! aw muang mai un!
Tu’n Amah muang un!
Hon gum ding hi, hon gum ding hi!
Tu’n hon hondam ding.
Toupa Jesu’n A sisan pia,
Manpha mantampen hi;
A sisan pha tuibang hongluang,
Vuk bang-a sianna hi.
Jesu Thutak, Lampi ahi,
Khawlna gam zotna lam;
Hal louin Amah muang lechin,
A hampha na hi ding.
Hong un, hiai pawl siangthou zom un,
Thupina lam juan un;
Kipahna vullou a luanna,
Van gam-a teng dingin.