Kei a di’n ni tawmchik kia omta hi
Doh is A♭
Kei a di’n ni tawmchik kia omta hi,
Phatna ding, thugenna ding hun;
Hinsung ni tum chiang’ Honpa’n hongsap chiang’,
Thupina tawh A kiang pai ning.
Sakkkik
Manglukhu jem khat ka khros in khek ning,
Kongpi kisung hon ngeilouhna’h;
A khe phung ah puakgik teng ngakhia ning,
Jesu tawh vaihawm tawntung ding.
Sepgim leh khitui luang sawt nawnlou ding,
Khualzinna kizou pah ding hi;
Tua hun chiang’ Amah tawh om tawntung ning,
Tua ah tangtawn taikhua val ding.
Mual a sangpi leh lui a thuk tam zong,
Ka lampi silpak’n jem lou zong;
Suang kham in khattang jan a sawt zong in,
Nopna jingkhua vak in honngak.
Lunggulh Amah mu dia ka khanlawh chiang’,
Aw, nopna kigen thei ding hiam!
Khawisa nawnlou ding, si ngei nawnlou ding,
Tua hun ken ngaklah mahmah ing.
