Ka toupa ngaih aw
Doh is E♭
Ka Toupa ngaih aw, kei hon ompih in,
Khua mial semsem Toupa ka kiang om in;
Panpih leh hehnem ding a omlouh chiang’,
Panpihbei panpihpa’n hon ompih in.
Damsung sawtloukal in a mangthang ding,
Leitung nopna leh thupina mang ding;
Ka muh theih tengteng leng a sia vek ding,
Dangtuan theilou Nang in hon ompih in.
Mangte’ Mang bang’ lauhuai in hongpai ken,
Migi, chingkam, damna tawh hongpai in;
Kapte di’n hehpihna hon omsak in,
Mawhneite lawm ka kiang uah om gige’n.
Nang louin mitphiatkal khat zong muang ke’ng,
Nang panpih louh’ Setan dou zoulou ding;
Nang bang piipa leh kingakna kua om?
Khawnim leh nisa ah hon ompih in.
Nang non ompih leh melma lau lou ding,
Lungkham a poilou, kah leng a poilou;
Sihna inleng kuahiam a zawh theih ding?
Nang non ompih leh ka vualzou jel ding.
Ka maimit sin ma’n ka kiang ah om in,
Khuamial lak’ tang in, van honensak in;
Van a vak ding, lei lim a mangthang ding,
Damsung sih tanphain hon ompih in.
