I kiim i vel ah buhlak ding tampi min hi
Doh is Ab

I kiim i vel ah buhlak ding tampi min hi,
Amau va-at ding in kuan in;
Toupa’n honpanpih ding na hatna’ kinga ken,
Toupa’ hatna ah kinga zawin.
Na chi tuh a pou ding,
Toupa’n honpanpih ding;
Na khantawn mun na tut theihna di’n,
Na hatlai in sem in, Toupa’ hatna muang in.

Na seplouh manin tampi mangthang gawpta hi,
Toupa itte mangmang mawk uh;
Va panpih di’n na kuan kei dia hiam,
Panpih ngai mahmah uh, a manthat vek ma un.
Kuanmeng in, vasem in,
A ni uh tum man ding;
Laukha simsenglouh mangthang dingte,
Na it kei hial a hiam, Khat bek honpii tanla.

Dakkhia in, envel dih, tatna thei nailoute,
Toupa’n a tat lam thei kei uh;
Lungmuang in tulai uh, piikhia ding in kuamah
Om lou hi, Hondampa theilou uh;
Amau vapii ding in,
Toupa’n nang hondeih hi;
Chikchiang’ Jesu mai a kun ding ua,
Hontanpa chih thei a, A manna min phat in.


   Facebook      Twitter    :    Views(86)